Cera caminda dilanti Hotel JOIA Iberostar
Departamento di Obra Publico ta desea di informa pueblo di Aruba en general y specialmente nos automobilista y peatónnan, cu pa mehora e collector di riool entre Screaming Eagle Restaurant y hotel JOIA Iberostar na J.E Irausquin Blvd, nos lo bay cera e caminda entre Screaming Eagle y hotel JOIA Iberostar pa por instala un tubo y haci e conexiónnan necesario (wegkruising).
E trabounan lo tuma lugar diaranson 20 di november 2024 y lo cera e caminda for di 9’or di mainta pa 4’or di atardi.
En conexion cu esaki Departamento di Obra Publico ta haci un peticion na tur automobilista y peatonan pa tene cuenta cu e trabounan cu lo bay tuma lugar pa cual nos ta pidi tur automobilista, hotel y negoshi nan y otro usuarionan comprension y disculpa pa cualkier inconveniencia cu e trabou por ocasiona.
