Proyecto Embeyecemento Kapel Alto Vista

Departamento di Obra Publico ta desea di informa comunidad di Aruba ariba e desaroyonan di e proyecto “Embeyecemento Kapel di Alto Vista”.

Fase 2 lo cuminsa mayan 13 di maart 2025 y ta proyecta pa caba 11 di April 2025.
Fase 2 ta encera: structura e parkeerplaats di santo cu alineacion di klinkers. Traha un caminda y trottoirs di klinkers, troittoirs y  e “plein” dilanti Kapel tambe lo bin di klinkers.
Pa loke ta plantacion, lo pone matanan di Aloe y Kukwisa.

Durante construccion di fase 2:
- UTV/ATV y Busnan no lo por pasa y ni parkeer dilanti di e Kapel mas. Cada uno lo ricibi un luga asigna di parkeer.
- Luga asigna di parkeer pa UTV/ATV lo wordo indica cu borchi di indicacion.
- Luga asigna di parkeer pa busnan lo bira algun meter prome cu yega e Kapel.

Nos disculpa pa e inconveniencia.