Proyecto embeyecemento Malmok fase 4 ta bay inicia

Proyecto" Embeyecemento Malmok fase 4" ta bay inicia dialuna awor.

Dialuna awor 14 di april 2025 lo inicia e proyecto di embeyecemento di Malmok fase 4.

E proyecto ta encera den gran parti:

• Marcacion di e parkeerplaats.

• Crea looppad di klinkers.

• Iluminacion pa e looppad banda di caminda.

• Pone mas mata y

• Traha un bushalte.

Financiamento di e proyecto akinan ta wordo haci door di: Tourism Product Enhancement Fund (TPEF).

Contratista (hoofdaannemer): Van Kessel Havenbouw N.V. (VKH).

Duracion di proyecto akinan ta 60 dia di trabou y ta proyecta pa caba dia 10 di juli 2025.

Dialuna awor ta cuminsa cu e banchi banda di caminda grandi. Ta pidi tur hende pa tene cuenta cu e proyecto akinan.