Diamars lo cera 1 lane riba J.E. Yrausquin Blvd pa haci sondeo di fundeshi

Aviso Importante

Diamars 12 di juli 2022, entre 9'or di mainta te 12'or di merdia, lo cera 1 lane direccion Palm Beach riba J.E. Yrausquin Blvd pa asina nos por haci un sondeo di e fundeshi.

(Entre The Mill Resorts & Suites te na Hilton Aruba Caribbean Resort & Casino).

Esaki ta en conexion cu e preparacion pa e trabounan di reconstruccion di e caminda, ponemento di tuberia pa awa di rooil y tambe yobida di awa.

Ariba nos mapa, por mira cu nos lo haci 5 sondeo pa asina nos determina den ki estado e fundeshi ta.

Por fabor sea atento.