Lo cuminsa remove waterhyacint den Bubali Plas

Manera nos a anuncia den nos comunicado di prensa, nos lo cuminsa removenan e waterhyacintnan den Bubali Plas.

Cu aprobacion di FNPA y DNM nos lo cuminsa mobilisa nos equiponan awetardi.
Mirando e magnitud di e trabou, nos a opta pa haci uzo di nos heavy equipmentnan.

Nos tin cu menciona cu nos tin añasnan caba ta haciendo e mantencion nan aki. 
E mantencion ta un necesidad pa asina por mantene un bon fluho di awa y mantene un calidad halto di awa den Bubali Plas. Sin lubida pa proteha nos flora y fauna den e plas.

Mantencion di Bubali Plas ta di sumo importancia pa e habitat debi na e gran cantidad di waterhyacint cu tin na e momento nan aki, tapando gran parti di Bubali Plas causando menos pasada di luz (solo) cu asina ta reduci e oxygeno den e awa.
Si e mantencion aki no sosode, Bubali Plas lo bay atras y cu consequencia nos Flora & Fauna tambe lo caba.

Duracion di e mantencion akinan lo ta entre 2-4 siman y nos ta pidi comunidad di Aruba pa comprencion durante e ehecutacion di e trabou.