Mantencion di camindanan despues di awacero

Den e ultimo siman nan cu a transcuri, Aruba a experencia awacero cu un frecuencia y intensidad mas halto cu normal. Esaki a haci cu e camindanan di asfalt y santo rond di Aruba a wordo afecta grandemente. Pa por atende cu e demanda creciente y constant, DOW mester a adapta su operacion di mantencion.

Pa camindanan di santo afecta door di awacero, DOW su team a traha tur dia, incluyendo den weekend, pa por atende tur peticion y kehonan ricibi di camindanan rond di Aruba den mal estado. Pa motibonan fuera di nos alcance, DOW tabata dispone di solamente 2 grader pa por a haci e trabownan di mantencion aki.

Pa camindanan di asfalt afecta door di awacero cu a crea buraconan, DOW su team di patch a wordo intensiva di 2 ploeg pa 3 ploeg (1 extra) y tambe e frecuencia a wordo hisa di 3 biaha pa siman pa 5 biaha pa siman.

Mester menciona cu door di e awacero experencia cu un frecuencia y intensidad inusual, e cantidad di peticion y kehonan tabata halto y constant. Cu e recursonan disponibel den personal (extra ploeg), heavy equipment y material (graniet y asfalt), tabata difícil pa por a haal in tur e peticiónnan di camindanan cu ta den mal estado dentro di un periodo mas cortico.

Den mayoria caso e frecuencia y intensidad di awacero rond di nos isla tabata pidi pa un turnaround di mantencion di caminda dentro di un periodo di 1 siman, mientras cu e recursonan disponibel pa haci mantencion tabata por a produci un periodo di turnaround di aproximadamente 2 siman, asina creando molester na automobilistanan.

Nos kier a sigura comunidad di Aruba cu nos ta haciendo nos maximo esfuerzo pa por cumplí cu tur peticionan di drecha caminda di santo y tambe cera buraconan den caminda di asfalt.

Pa peticion di mantencion di caminda, por fabor subi nos website na www.dow.aw bay na formulario y haci e peticion. E peticion lo wordo registra y poni riba nos schedule.

Nos disculpa pa e inconveniencia y ta gracidi pa e cooperacion y comprencion.