Trabou di pone tubo na altura di Costa Linda Beach Resort
Departamento di Obra Publico ta desea di informa pueblo di Aruba en general y specialmente nos automobilista y peatonnan tocante un construccion cu lo tuma lugar.
Nos lo bay pone tubo bou di caminda pa asina mehora e collector di riool entre Costa Linda Beach Resort y Screaming Eagle na J.E Irausquin Blvd.
E construccion pa mehora e collector di riool entre Costa Linda y Screaming Eagle Restaurant lo wordo construi den dos fase.
Den e prome fase lo coba den e trottoir pa pone e tubonan for di O cOndominium Eagle Beach te cu Screaming Eagle Restaurant y den e siguiente fase lo ta e construccion pa pone tubo den e median.
E trabao nan akinan lo inicia dialuna awor 14 di november 2022 y lo tin un duracion di 30 dia.
Nos lo mester cera e caminda parcialmente na altura di e parkinglot di Coco Loco y tambe na e crusada di Screaming Eagle Restaurant pa asina por haci e crusada y e conexion necesario.
Den transcurso di e simannan cu ta bin nos lo informa riba e progreso di trabao y e fechanan exacto di ceramento di caminda.
En conexion cu esaki Departamento di Obra Publico ta hasi un peticion na tur peaton y manehador di auto pa tene cuenta cu e trabaonan cu lo tuma lugar, pa cual nos ta pidi tur automobilista, hotel, negoshinan y otro usuarionan comprension y disculpa pa cualkier inconveniencia cu e trabao nan por ocasiona.
